ओली कविता कोरडी कविता
शब्दांमागून शब्द जात
होडीमधली डुले कविता
तू आर्त तू दग्ध
नवथर पालवीसारखी
हेलावणारी झुलवणारी कविता
खूप आतलं निळं निळं
स्वप्नंानाही ओलावणारी
नेणावणारी, फुलवणारी कविता
झुलवूनी शब्दांचे झुले
रडता रडता हसवणारी
हसत हसत भिजवणारी कविता
थेंब थेंब तळ्यात मळ्यात
खेळणारी बागडणारी
कोवळी कोवळी जून कविता
माझ्या शांत अंगणात
विसावल्या कवडशांना
लपवणारी छपवणारी कविता
No comments:
Post a Comment