पाऊस म्हजे ओलं धुकं
पाऊस म्हणजे कच्च्या गारा
पाऊस आता उलगडेल
मातीवरला पसारा
पाऊस म्हणजे सरासरी
पाऊस म्हणजे आकडेवारी
भिजता भिजता मरणाऱ्यांची
पाऊस सांगतो टक्केवारी
पाऊस म्हणजे ओले पक्षी
पाऊस म्हणजे खोट्या साक्षी
मागच्या कोरड्या हंगामाची
फाशीवारती उठते नक्षी
पाऊस कधी जास्त झाला
पाऊस कधी कमी झाला
तुझ्यामाझ्यासाठी बस
वाफाळलेला चहा निवला
पाऊस म्हणजे जगणं जगणं
पाऊस म्हणजे मरणं मरणं
माझ्या खिडकीतून तुझ्या शेतात
आता फक्त तुझ रूजणं.
No comments:
Post a Comment